سياسة

هذه فظائع القوات الروسية بحق “الفيلق الخامس”

هيومن فويس: رولا عيسى

قال ضابط ضمن ميليشيا “الفيلق الخامس- اقتحام” المشكل مؤخراً بأوامر روسية ضمن مناطق سيطرة الاسد، بأن القوات الروسية تشتم العناصر وتهينهم بشكل دوري وكبير، وتحاججهم دوماً بالمال الذي تقدمه لهم.

صفحات إعلامية موالية للنظام السوري نقلت شهادة الضابط الذي بدا متزمراً جداً من سوء التصرفات الروسية ضد قوات ميليشيا الفيلق الخامس، والتي تستصغرهم وتوجه لهم  الإهانات بشكل مريح وكبير.

ووجه الضابط مناشدة لـ “بشار الأسد”، وقال في رسالة طويلة له، ننقلها كما هي:

“أنا بدي إحكي عن أسوء تشكيل مقاتل حاليا” موجود في سوريا وهو الفيلق الخامس
رح احكي كوني ضابط بهالفيلق .. عم قاتل فيه من لما تشكل..ابتداء” من معركة تحرير تدمر ..الى ريف حماه حلفايا والان شرق السلميه.”

وأضاف، “امور فظيعة وخطط فاشلة..إن كان بالعتاد او بالقادة أو بالكذب اللي ماعم نخلص منو …انتهاء بشهداء وجرحى الفيلق …
القائد الروسي اللي جاي من روسيا لعنا… كل ما بدو يحكي كلمه.. إذا بدو يقلك صباح الخير.. بيبدأ بجملة نحنا عم نعطيك 200 او 300 دولار…… عداك عن إهانة العساكر بكتير مواقف من ضرب رصاص فوق راسن أو بين اجرين..أو ضرب باليد..وسب وشتم بلغة مامنفهم شو عم يسب.”

وبكل خطة حربية لازم تندفع العالم تحت كذبة الطيران رح يحرق الارض والتغطية المدفعية والهاونات .. وكل هاد الحكي ما بتشوف منو شي… يعني إذا انضرب هاون أو قذيفة دبابة..رح تجي فينا مو بالعدو…. واستشهد عنا أقوى ضابطين إقتحام بالفيلق بضربة صديق ..ضربة دبابة..الملازم أول أسامه المصطفى بضربة صديق في تدمر والنقيب حسين كمان متل هديك الضربة في حماه ..
لا مدفعية ولا دبابات ولا هاونات.. لك حتى سيارة الاسعاف اللي هي ابسط طلب ممكن نطلبو بعمليات الفيلق…غيييير موجودة..
مبارح باحدى الاجتماعات عم يحكي رئيس أركان الفيلق وانا قلتلو بدنا تركس. يعمل مساتر.. كان جوابو…انو مد ايدو ع جيبتو وقلي أنا بدي جبلك تركس….انت ابن سوريا انت لازم تجيب تركس نحنا عم نعطيك راتب 300 دولار
عتاد الفيلق فاشل مافي عتاد …بندقيات آليه فقط لا غير.. وفق قوله.

وزاد، “صار متبدل 33 دفعات عساكر بالفيلق.. كل ما جابو دفعة احتياط أو طوعيين عالفيلق عم يهربو ويفرو تحت عنوان جابونا لنموت، والشهيد أو الجريح بالفيلق ما الو حقوق ولا تعويض ولا أي شي ..
يعني لايمت هالمهزلة.. شو هالتشكيل المقاتل اللي دباباتو عاطلة وآلياتو مابتمشي … لك سلاح الدوشكا 12,7..اللي الو دور كبير بحرب العصابات… عنا مركب على سيارات جيب واظ… ماااابتمشي.”

وأردف، “أحد المصابين من معارك تدمر .. رفيقي وابن دورتي الملازم مجند باسل د…. فقد رجلو اليمين ولهلق ناطر طرف صناعي من الجمعيات الخيرية…لان بكل بساطه كان بالفيلق الخامس وما حدا اعترف عليه، شو الغاية من هالفيلق.. شو الغاية من تشكيل فاشل بكل المقاييس… تشكيل غريب عم يستنزف ضباط من جيشنا..وعم يستنزف شباب من بلدنا بأرخص ثمن
سبع سنين بالازمة خاض جيشنا فيها أشرس المعارك…معقول نحنا بحاجة ضابط روسي يجي يحط خطط حربية بأرضنا…
ليش بتدمر محل آبار الغاز كان يحرق الارض تحت الدواعش وهون عم يقتل شبابنا بمعارك وهمية فاشله
لأيمت هالمهزلة…”

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *